Hunermend Pirşing Tiwana ledayikbûy şarî Slêmanî u derçuy xaney mamostayane .

Lesalî 1986 Kurdistanî becêhêştiwe u legel hawser u mindalekanî rûy kirdote ulatî Swîd , le swîdîş perstiyarî danî tewaw kirdiwe u berdewame le xwêndin le zankoy Uppsala le beşî dermansazî .

Seretay karî hunerî degerêtewe bo çalakî qutabxanekan le slêmanî , dwayiş le henderan drêje bekarî hunerî xoy dedat u beşdarî le çendîn bone u yad u ahengekan le Swîd u hendê le ulatanî Ewrûpa kirdwe .

Yekem elbûmî lesalî 1999 benawî ( derdî ewîn ) bilaw kirawetewe ke le awaz u dabeşkirdnî  Dîden Tiwanay kuryetî ke hawkariyekî zorî kirdwe u dekat , zorîney honrawey goraniyekanîşî lelayen Qadir Tiwanay hawserî danrawe .

Sê klîpî le Swîd kirdwe benawî ( Derdî dûrî , Gulebax , Dilm meşkêne ) ,  dû goranî lebernamey tarawge le Swîd benawî ( Holeylî u Wefadarî ) bo telefzyon tomarkirdwe , çend klîpêkî trîşî le Kurdistan bo kirawe benawî ( Çende ciwanî u Giyawirdey payiz u Derdî ewîn ) ke êsta bilaw nekrawetewe , emew  bêcge le çendîn çawpêkewtnî hunerî le telefizyon u radyo u rojname u govarekan .

Diwem Elbûmî benawî ( Jwan ) le salî 2008 blawkirdotewe .